Full of Love aka Fuld af kærlighed

Fuld af kærlighed (2024) ———— IMDb – 7/10 သာမန်အလယ်တန်းအဆင့်မိသားစုလေးတစ်စု အပေါ်ယံ သူများအမြင်မှာ ပျော်နေကြပေမယ့် အဖေဖြစ်သူက အရက်စွဲနေတဲ့အခါမှာ…. အရက်စွဲနေတဲ့အဖေဖြစ်သူကြောင့် သူတစ်ယောက်တည်းပဲ မဟုတ်ပဲ မိသားစုမှာပဲ ဘယ်လို စိတ်ဒဏ်ရာတွေရနေလဲဆိုတာ စိတ်ကျန်းမာရေးက မိသားစုဆက်ဆံရေးမှာ ဘယ်လောက်အရေးပါလဲ ဆိုတာ သေချာပြပေးတဲ့ Denmark ရုပ်ရှင်တစ်ကားပါ။ ကျွန်မတို့တွေ စိတ်ကျန်းမာရေးအကြောင်းပြောတဲ့အခါ မိသားစုကြောင့်ဖြစ်တဲ့ စိတ်ဒဏ်ရာတွေကို ပြောဖို့ ထုတ်ပြဖို့ ခဲယဥ်းတတ်ကြပါတယ်။ တစ်ခါတစ်လေ ကိုယ်တိုင်က စိတ်ဒဏ်ရာဖြစ်မှန်းမသိဖြစ်နေတာမျိုးတောင်ရှိပါတယ်။ စိတ်ကျန်းမာရေးဆိုတာ ပေါပေါ့တန်တန် စဥ်းစားသင့်တဲ့အရာမျိုးမဟုတ်တာမို့ စိတ်နေမကောင်းတော့ဘူးထင်ရင် ချက်ချင်း သက်ဆိုင်ရာအကူအညီရယူသင့်ပါတယ်။ ဒီကားထဲမှာလည်း ဖြစ်နေတဲ့ ပြဿနာတွေကို လျှစ်လှူရှူနေသရွေ့ မဖြေရှင်းရာကနေ ကိုယ်တင်မက ကိုယ့်မိသားစုပါထိခိုက်လာတာကို ကွက်ကွက်ကွင်းကွင်းမြင်ရအောင် ရိုက်ပြထားပါတယ်။ ဒီထဲမှာ အရက်စွဲနေတဲ့ အဖေ့ကြောင့် မိသားစုလေးမသာယာဖြစ်နေရာကနေ အဖေ့ကို အရက်ဖြတ်ဖို့ကြိုးစားရင်းကနေ သူတို့ မိသားစုလေးပုံမှန်ပြန်ဖြစ်ဖို့ ကြိုးစားနေကြတာ ကြည်နူးဖို့ကောင်းပြီး စိတ်ကျန်းမာရေးအတွက်လည်း အများကြီး ဗဟုသုတရတဲ့ ရုပ်ရှင်လေးမို့ ပရိတ်သတ်ကြီးကို တင်ဆက်ပေးလိုက်ရပါတယ်။