Sardara and Sons

Sardara and Sons (2023) ဆာဒါရာနှင့်သားများ နေထိုင်တဲ့ပုံစံမတူ အတွေးအမြင်ချင်း မတူကြတဲ့ လူနှစ်ယောက်တောင် တစ်အိမ်တည်း ညှိပြီးနေဖို့ဆိုတာ မလွယ်လှပါဘူး။ ဒီတော့ မိသားစုနှစ်စုဆိုရင်တော့ အခက်အခဲတွေက ပြောဖွယ်ရာမရှိပေါ့။ အခုတင်ဆက်ပေးမှာကတော့ ကနေဒါရောက်သားတော်မောင်ဆီ သွားနေမယ့် ပန်ချာပီအဘိုးကြီးဆာဒါရာနဲ့ သူတို့မိသားစုတွေကြား အလွဲလေးတွေကို ရှုစားရမယ့် family dramaပါ။ သားကြီးကလည်း ကနေဒါနိုင်ငံသားဖြစ် သားငယ်ကလည်း ကနေဒါဗီဇာရပြီဖြစ်လို့ ပန်ချာပီအဘိုးကြီးဆာဒါရာတစ်ယောက် မိန်းမနဲ့ သားငယ်တို့လင်မယားနဲ့အတူ သားကြီးဒါလ်ဂျိရှိရာ ကနေဒါဆီ ရောက်ချလာပါတော့တယ်။ ခေတ်မီတဲ့ ကနေဒါနိုင်ငံမှာနေတဲ့ ချွေးမကြီးကတော့ တောကတက်လာတဲ့ အဘိုးကြီးလင်မယားကိုမကြည်ဖြူလှပေမဲ့အဘိုးကြီးရဲ့ တောကမြေကွက်ကို ရောင်းတဲ့ငွေကို မျက်စိကျပြီး ကြိတ်မှိတ်လက်ခံပေးထားပေမဲ့ တောစရိုက်ယောက္ခမတွေက သူ့မျက်စိထဲကန့်လန့်ခံနေတာပေါ့။ ဒါပေမဲ့ တစ်ယူသန်ဆာဒါရာတို့ကလည်း ကနေဒါနဲ့အညီ ပြောင်းလဲနေထိုင်တာမျိုးမလုပ်ဘဲ တောဓလေ့အတိုင်းပဲဆက်နေနေတော့ ကနေဒါက ဒါလ်ဂျိတို့မိသားစုနဲ့ အဆင်မပြေဖြစ်လာချိန်မှာတော့…. (အညွှန်းနဲ့ဘာသာပြန်ကတော့ CM Bollywood Team မှပဲဖြစ်ပါတယ်)