Red Blood Rescue

ဒီတစ်ခါတော့ မြန်မာနိုင်ငံမကဘူး တစ်ကမ္ဘာလုံး ကြုံတွေ့နေရတဲ့ ကပ်ဆိုးထဲက တစ်ခုဖြစ်တဲ့ မှောင်ခို ကလေးရောင်းဝယ်ရေးနဲ့ တရားမဝင် ကိုယ်တွင်း ကလီစာ ထုတ်ရောင်းဝယ်ရေးလုပ်ငန်းရဲ့ အမှောင်တစ်ခြမ်းကို ပုံဖော်ရိုက်ကူးထားတဲ့ကားကို ဘာသာပြန်တင်ဆက်ပေးလိုက်ပါတယ်… ဒီကားထဲမှာ သမီးလေးကို မျက်စိရှေ့မှာ လုယူခံလိုက်ရတဲ့ ကျန်းလီတစ်ယောက်က အပိုမပါတဲ့ အသက်တစ်ချောင်းနဲ့ လောင်းကြေးထပ်ပြီးတော့ သူ့သမီးကို ရအောင်ကယ်ဖို့ ကြိုးစားနေတဲ့ အခိုက်အတန့်ကို ရိုက်ကူးပုံဖော်ထားတာပါ… ကျန်းလီဟာ တစ်ဦးတည်း တခြားဒေသအထိကို သွားပြီး သဲလွန်စရခဲ့ပေမယ့် သူ့သမီးရှောင်ရှောင်အစား ရှောင်ကျန်းဆိုတဲ့ သူ့သမီးလေး ဂါဝန်ဝတ်ထားတဲ့ ကလေးလေးကိုပဲ တွေ့ခဲ့တယ်… နောက်တော့ ရှောင်ကျန်းလေးကို ကယ်တင်ပေးခဲ့ရာကနေ ဒီမြွေနီဆိုတဲ့ ဒုစရိုက်ဂိုဏ်းရဲ့ လမ်းစကို သိမြင်ခဲ့တာပေါ့… ဒီမြွေနီဂိုဏ်းခေါင်းဆောင်ဆိုတာလည်း ခေသူမဟုတ်တဲ့ ဒေသခံ ခရိုနီတစ်ယောက်လည်းဖြစ်… ဒေသခံ ရဲစခန်းမှူးကြီးနဲ့တောင် ပုခုံးဖက်ပေါင်းနိုင်တဲ့အထိ ပေါက်ရောက်သူကဖြစ်နေပြန်ရော… ဒီတော့ ကျန်းလီတစ်ယောက် သူ့သမီးလေးကို ရှာတွေ့ပြီး ကယ်တင်နိုင်မှာလား… မြွေနီဂိုဏ်းရဲ့ အမှောင်လောကရော လူတွေရှေ့မှာ ပေါ်ထွက်လာပါ့မလား… ရှောင်ကျန်းလေးကရော ဘာတွေဆက်ဖြစ်မှာလဲ… ဇာတ်ကားလေးကို ကြည့်ပြီး အိမ်မှာ ကလေးတွေရှိရင်လည်း ရန်သူမျိုး ၅ ပါးမကတဲ့ ခေတ်ပျက်ကြီးထဲမှာ ကိုယ့်အဖိုးတန်ရတနာလေးတွေကို တန်ဖိုးထားဖို့ မေတ္တာရှေ့ထား သတိပေးလိုက်ပါတယ်နော်…