Mulan II : The Final War

Mulan II (2004) Genre – Animation, Comedy, Adventure ဒီ ဒုတိယကားလေးမှာတော့ ချစ်သူ နှစ်ဦး ဖြစ်ကြတဲ့ Mulan နဲ့ ဗိုလ်ချုပ် Shang တို့ ပျော်ပျော်ပါးပါး လက်ထပ်မင်္ဂလာပွဲလေး ကျင်းပဖို့ ပြင်ဆင်နေကြပါပြီ။ ဒါပေမဲ့ နှစ်ယောက်သား ပျော်ပွဲလေး မဆင်နွဲရသေးခင်မှာတင် အင်ပါယာကြီးက သူတို့ကို မင်းသမီး ၃ ပါးကို ကိုယ်ရံတော်လုပ်ရမယ့် လျှို့ဝှက်တာဝန်တစ်ခု ဆောင်ရွက်ခိုင်းလိုက်ပါတော့တယ်။ အဲဒီအချိန်မှာ Mushu တစ်ကောင်လည်း အကယ်၍သာ Mulan က Li မျိုးနွယ်နဲ့ လက်ထပ်လိုက်မယ်ဆို သူ့ရဲ့အစောင့်အရှောက် မိသားစုတာဝန်လေး ပျောက်ပျက်သွားမှာစိုးတဲ့အတွက် အတွဲကြားကို ခလောက်ဆန်ဖို့ ဆုံးဖြတ်လိုက်ပါတယ်။ အဲဒီမှာ မင်းသမီးလေးတွေက မချစ်မနှစ်သက်တဲ့လူတွေနဲ့ လက်ဆက်ရမှာကို Mulan အနေနဲ့လည်း ကိုယ်တွေ့ကြုံဖူးတဲ့အတွက် သဘောမတူရာကနေ အင်ပါယာအမိန့် ဖီဆန်ရမလားဆိုပြီး Shang နဲ့လည်း မေးခွန်းထုတ်စရာတွေ ဖြစ် ပြဿနာတက်တဲ့အချိန်မှာပဲ တစ်ဖက်မှာ မွန်ဂိုတွေက ကျူးကျော်လာတဲ့အခါမှာတော့ Mulan တို့တွေ ဘယ်လိုထပ်ပြီး စွန့်စားခန်းထွက်ရဦးမလဲဆိုတာ ကြည့်ရမှာပဲ ဖြစ်ပါတယ်။ ဒါရိုက်တာတွေ Mushu နေရာက Eddie Murphy တို့ကတော့ အပြောင်းအလဲ ဖြစ်ကုန်ပြီး Mulan နဲ့ Shang နေရာကတော့ အရင်အသံသရုပ်ဆောင်တွေပဲ ဖြစ်ကြပါတယ်။ ဟောလိဝုဒ်ထုံးစံအတိုင်း ဒုတိယကားဟာ မူလကားလောက် လက်စောင်းမထက်ပေမဲ့လည်း Mulan ချစ်သူတို့အတွက်တော့ အဆင်ပြေနေမှာတော့ အမှန်ပါ။