Boonie Bears: Time Twist

တရုတ်ပြည်တွင်းမှာလူကြိုက်များတဲ့နာမည်ကြီးကာတွန်းစီးရီးတွေထဲက တစ်ခုဖြစ်တဲ့ ဝက်ဝံကြီးဝက်ဝံလေးနဲ့ သစ်ခုတ်သမားကြီးဖိုးကတုံး(ကွမ်းထိုချန်)တို့ရဲ့ ၂၀၂၄မှာရုံတင်ခဲ့တဲ့ ရုပ်ရှင်ပဲဖြစ်ပါတယ်။ ဒီဇာတ်ကားမှာတော့ ဖိုးကတုံးကြီးကွမ်းထိုချန်က အောင်မြင်မှုမရှိ ဝင်ငွေနည်းတဲ့ သူ့ရဲ့တောတောင်ထဲကဘဝကိုစိတ်ကုန်ပြီးတော့ မြို့ပြကြီးမှာ သာမန်လူတွေလို အလုပ်ကြိုးစားရင်းတိုးတက်ရာတိုးတက်ကြောင်းကြိုးစားပြီးနေထိုင်လာခဲ့တယ်။ သူရည်မှန်းထားတဲ့ဘဝ အိပ်မက်တွေအကောင်အထည်ဖော်ဖို့ မျှော်လင့်ချက်တွေပြည့်နေတဲ့အချိန်မှာပဲ သူ့ရဲ့ချစ်ရတဲ့သူငယ်ချင်းတွေဖြစ်တဲ့ ဝက်ဝံကြီးနဲ့ ဝက်ဝံလေးကိုကယ်ဖို့ အချိန်စီးကြောင်းတွေကိုကူးလူးပြီးတော့ အချိန်ခရီးသွားခရီးစဉ်ကြီးကိုစတင်လိုက်ရပါတယ်။ ဒီခရီးမှာ သူအရင်ကတန်ဖိုးမထားခဲ့တဲ့အရာတွေရဲ့ တန်ဖိုးအစစ်အမှန်ကို ပြန်မြင်ခဲ့ပြီး အရာအားလုံးကိုပြောင်းလဲချင်လာတဲ့အခါ အချိန်မီပါဦးမလား။ ကွမ်းထိုချန်တစ်ယောက် မြို့ပြဘဝမှာပဲဆက်နေသွားမလား…… အရင်လိုအေးချမ်းတဲ့တောထဲမှာပဲဘဝကိုကုန်ဆုံးသွားမလား….